Heimsókn í Ásmundarsafn

Í gær var opið hús í Ásmundarsafni í tilefni afmæli Ásmundar Sveinssonar.  Við létum það ekki framhjá okkur fara og skelltum okkur niður í Laugardal þrátt fyrir slæmt veður.  Við vorum bara tvær, ég (ágústa) og Erna því Fríða hafði skroppið upp í sumarbústað  yfir helgina.  Þegar mamma hennar Ernu hafði skilið okkur eftir aleinar  fyrir framan safnið þá gengum við upp að hóp sem var að fara að fara út að ganga um garðinn og fræðast um stytturnar í honum og söguna á bak við þær.  En það kom okkur frekar á óvart hvað fólki var brugðið að sjá svo ungar stelpur á myndlistarsafni!! Það sýnir hvað fólk setur mikinn stimpil á unglinga! Ef þú ert yngri en 18 ára átt þú ekkert erindi á safn eða enhverja aðra fræðslustofnun.  Þú átt að vera úti og eyðileggja verkin í staðinn fyrir að fræðast um þau!!!!  Þetta er óásættanlegt! 

Við gengum um garðinn og konan sem stýrði hópnum fræddi okkur um valin verk. Eftir kynninguna fórum við Erna annan túr og tókum myndir af styttum. En eftir þessa stund úti í þessu hrillilega veðri var komin tími á að fara inn!  Við gengum stuttan hring inni í safninu og skrifuðum niður upplýsingar um Ásmund.  En síðan skelltum við okkur í sund í Laugardalslaugina, enda nýtur maður rignar miklu betur þegar þú ert þegar blaut!  Eftir stutt spjall í heitapottinum var splæst á pulsur í Skalla og tekið síðan Strætó heim!      Ágústa Ebba