Viðtalsdagur :D

Hæ hæ...

Ég var búin að blogga áðan en það eyddist, þannig að ég er að skrifa þetta í annað sinn . En í dag hittumst við upp í skóla kl. 9. Við ákváðum að taka myndir af vörðunni sem er hjá Fossó og af styttunni sem er hjá Suðurlandsbrautinni. Ég og Erna fórum og tókum mynd af vörðunni en Ágústa af styttunni, til þess að spara tíma . Við hittumst svo í Réttó kl. 10 og bjuggum til fimm spurningar fyrir nokkra nemendur og kennara. Svo löbbuðum við bara um gangana og spurðum 2 eða 3 nemendur úr hverjum árgangi og einhverja kennara. Þetta tók nú sinn tíma . Um klukkan tólf fórum við í mat . Eftir matinn spurðum við einhverja fleiri. Það var misjafnt hvað fólk gat svarað mörgum rétt en ég held að Hilmar skólastjóri hafi svarað flestum rétt. Klukkan tvö fórum við heim .

 - Fríða 

Skemmtilegur dagur =D

Við hittumst heima hjá Fríðu klukkan 9 um morguninn.  Við ákváðum að klára þær styttur sem eftir voru frá því í gær.  Við skutum nokkrar körfur til þess að hita okkur upp fyrir daginn!  Þegar allir voru orðnir tilbúnir þá fórum við upp í skóla til þess að hitta Guðrúnu.  Eftir stuttan fund með henni þá var lagt af stað.  Við tókum strætó nr.18 niður á Hlemm og tókum myndir af styttunni þar.  Þegar hún hafði verið mynduð frá öllum mögulegu sjónarhornum þá gengum við niður Laugaveginn.   Við stefndum niður á Austurvöll til þess að bera Jón Sigurðsson augum.  Eftir það gengum við að Skothúsveginum til að mynda Mann og Konu.  Síðan var gengið að Útlaganum, Tónlistarmanninum o.f.l. sem voru í nánasta nágreni. 

Við náðum öllum þessum myndum fyrir klukkan tólf, en við vissum að góður málsverður beið okkar heima í Réttarholtsskóla þá.  Við fórum í næsta strætóskýli sem við sáum og viti menn þarna stoppaði 11-an, sem gengur beint niður á Bústaðaveg!  Við biðum í þó nokkra stund en svo kom vagninn.  Við skutumst heim og náðum hádegismatnum.  Þar hittum við stelpur sem voru að gera árbók Réttarholtsskóla og við fylltum út blöð um veru okkar hér í skólanum.  Eftir góða pásu fórum við heim til Fríðu en á ný og skrifuðum inn upplýsingar um flestar stytturnar í tölvuna.  Ég gat því miður ekki klárað það verk með þeim því ég þurfti að fara til tannlæknis.  En þær kláruðu verkið.  Ég bætti þeim það upp seinna, því þegar ég var á leiðinni með mömmu minni og bróður niður í bæ seinna um daginn þá náði ég myndum af þremur nýjum styttum!  Þetta gengur allt saman vel og við hlökkum til að hittast á föstudaginn!       Ágústa Ebba =D     

BæjarRÖLT :)

Hæhæ :D

Við þrjár hittumst kl. 9, um morguninn, hjá Fríðu. Við ákváðum að fara niður í bæ að finna styttur í bænum og taka myndir af þeim. Við tókum strætó niður á Lækjartorg, svo fórum við í Geysishúsið og fengum kort af styttum bæjarins. Við reyndum að fylgja því og fundum alveg helling af styttum, ásamt fleiri styttum sem voru ekki á kortinu. Við byrjuðum að taka myndir af Ingólfi Arnarsyni og svo af styttunni Horft til hafs, sem er rétt það hjá. Svo var haldið lengra og fleiri styttur myndaðar. Á leðinni í bænum hittum við Gyðu og Sólrúnu m.a. tvisvar. Einnig sáum við að risarnir sem tengdust listahátíðinni höfðu verið á ferð, nokkrir bílar voru vel klesstir.

Þegar klukkan var orðin hálf tólf vorum við orðnar mjög svangar. Við tókum myndir af Óþekkta Alþingismanninum og fórum svo í Kornið sem er hjá honum. Eftir það var haldið áfram og endurnar á tjörninni vel myndaðar. Síðan var ferðinni heitið að Hallgrímskirkju til að mynda Leif Eiríksson. Þegar við vorum að taka myndir af Eiríki var erlend kona sem sagði að við værum fallegri en styttan. Takk fyrir það. Eftir það héldum við að listaverkinu Sólfar. Þar kviknaði barnið í okkur og við fórum að leika okkur í verkinu og svolítið OF margar myndir teknar. Eftir mjög langt stopp þar héldum við í Hljómskálagarðinn.

Við löbbuðum m.a. framhjá breska og þýska sendiráðinu, þar var einnig stytta. Svo voru myndir teknar í Hljómskálagarðinum, einnig af krökkum sem voru þar að leik. Eftir það var labbað að Háskólanum og Sæmundur fróði á selnum, myndaður ásamt Norræna merkinu. Eftir það lá leið okkar upp í Perlu. Þá var þreytan aðeins farin að segja til sín. Svo þegar við komum að Perlunni voru skrítnu karlarnir myndaðir. Við settumst aðeins inn í Perluna og hvíldum okkur, án þess að fá okkur neitt að borða því við þurftum að hitta Guðrúnu kennara og tíminn var orðinn naumur. Við drifum okkur af stað og Vatnsberinn, hjá Veðurstofunni, var myndaður. Við ætluðum svo að taka strætó heim, en hann kom ekki svo við löbbuðum í skólann og auðvitað keyrði strætó tvisvar framhjá. Eftir MIKLA þreytu og pirring enduðum við í Réttarholtsskóla og spjölluðum við Guðrúnu. Eftir það var morgundagurinn skipulagður og við fórum heim.

-Erna Rós

Stytturnar í Reykjavík

Þessi síða er um lokaverkefni sem við gerum í gerum í Réttarholtsskóla.

  Í dag hittum við umsjónakennara verkefnisins, Guðrúnu E. Guðnadóttur.  Við ákváðum að gera um stytturnar í Reykjavík.  Við skipulögðum okkur og bjuggum til áætlun fram í tímann en þetta verkefni mun taka tvær vikur.  Á morgun ætlum við að hittast og skreppa niður í bæ og ná í kort af Reykjavík og finna styttur og taka myndir af þeim 

Kveðja:  Erna, Fríða & Ágústa